الشاعرة الصاعدة
سمر السيسى
الحاصلة على المركز الاول فى مسابقة ائتلاف شباب مشتهر للشعر لعام 2014
سمر السيسى
الحاصلة على المركز الاول فى مسابقة ائتلاف شباب مشتهر للشعر لعام 2014
....................................................................................
" بـــــــره البـــــــــــــــــــــرواز "
توب الزعل مش خايل عليكي يابنيه
من يوم ما اتفرض عليكى وبقا غيه
زمان كان الهوا فاتح شبابيكوا ......
دلوقتى اصبح ليل والرقبه محنيه
خايف عليكى يا بنيه من شطوط ملهاش مرسا
ومن خلق تاكل وتنسا
ومن محار نوره خداع
اخرته يوجع العين ويجيب الصداع
فوقي يا بنيه واصحي من الغمه
واسمعي انين ضناكي وهو بيقول ياااااااما
يمكن ......................
يمكن يبيض الحته السودا اللى فيكي
يمكن ينفض غدر الكلاب من حواليكي
وساعتها ....بصى وشوفي ايه بره البرواز ؟؟؟؟
لاقيتى ايه ؟؟؟؟؟؟؟
لاقيتى رصاص بيقتل الحلم الازاز
وريح تقصف جدور النخل اللى عالى وعالى
واصيل مكانه ف زنزانه وخسيس واخدها ملاذ
والوليد قبل ما يتم الرضاعه ماشى ع عكاز
وسوس بينخر بحور الامل ...رغم ان بحرنا عالى
الا ان سوسك علينا بيتعالى
عشان الكل ليه مطاطى
والكلمه اللى على لسانا المهم حياتى !!!!
اصل الطوفان لما جه مطلش ابننا
مش قادرين نصدق ان المره الجاى هيهدنا
خلاص معدتش شايفه من نور الازاز
بصوا انتو وشوفوا ايه بره البرواز ؟؟
...............................................................
إئتلاف شباب مشتهر
ليست هناك تعليقات:
إرسال تعليق